खोइ स्वधर्मको पालना?

खोइ स्वधर्मको पालना?

नेपाल एक मात्र असली हिन्दूस्थान र अघोषित हिन्दू राज्य भनेर स्वयम् खप्तड स्वामीले भनेका छन्। भारतमा मुसलमान शासन संगै, हिन्दू संस्कृति मासिएको कुरा धेरै पहिल्यै देखि नै महशुस गरिआएकै कुरो हो, त्यहां माथी पनि भारतमा गरिने हिन्दू संस्कृति नेपालमा गरिने भन्दा फरक छ, केही हदसम्म नेपालले हिन्दुत्वको असली परिचय जोगाइ राखेकै छ भन्न सकिन्छ।

तर विगत २० वर्ष वरिपरि वा भनौं कथित युद्ध पछि हामीले धेरै गुमाएको छौं, अझै भनौं महेन्द्रको शिक्षा प्रणालीलाई दुत्कारेर र पश्चिमा शिक्षा अंगालेसंगै हाम्रा अनुशासन, संस्कार अनि सभ्यता नियोजित तरिकाले नष्ट गर्न लागेको भान हुन्छ। अहिले त झन् क्रिश्चियन मिसिनरीहरु नेपालमा भन्दा पनि भारतमा तीब्र लागेको हालैको एक प्रतिवेदन बाट थाहा पाइयो। नेपालले पनि हिन्दू परिचय र पहिचानलाई बेलैमा ख्याल गर्न सकेन, झोलेवादी बाट बचाउन सकेन भने असली हिन्दू पहिचान खोज्न पाश्चात्य देश नधाउनुपर्ला भन्न सकिन्न।झोलेवादीहरु त सकृय लागेकै छन्, कसरी हुन्छ नेपाली संस्कृति, सभ्यता अनि सहिष्णुता मास्ने भनेरै, निक्कै नियोजित योजना सहित। शहर भन्दा बाहिर गएपछी हाम्रा संस्कृतिले फेरिरहेका अन्तिम सास हुन् कि भन्ने पनि लाग्छ।

स्वयम् हिन्दु भित्रका विद्वानहरु पनि निक्कैवेमेलसंग अघि बढ्नु भनेको हामीले हाम्रो धर्म,संस्कृति माथी प्रहार गर्नु नै हो।अर्को कुरो धेरै मित्रहरु, हिन्दू बाट निक्कै खतरा महशुस गर्नु हुन्छ, म बडा आश्चर्यचकित पर्छु, किंकर्तव्यविमुढबन्छु कहिलेकहिले, किन होला है? कम्तिमा आजसम्म रहिआएको सहअस्तित्व अनि सहिष्णुताको भावनालाई त सम्झिदिनुस्, अझै लाखौं वर्षबाट मिलिआएको सभ्यतालाई पनि सम्झिदिनुस न!हामी माथी को कसरी खेल्दैछ भनेर भनिरहनु परोइन, तर अबको भुमिकालाई पो एउटा व्यक्ति, परिवारले कसरी निभाउने हो भन्ने महत्त्वपूर्ण देखिन्छ।

नेपाली संस्कृतिको अनुपम नमुना कुलधर्म मान्ने वा प्रकृतिपूजक सन्तान जोसुकै होओउन्, यी सबै आआफ्ना कुलप्रति श्रद्धावान् भए पनि कति जाती हुन्थ्यो, अब त्यो त रहेन नै!हिन्दुलाई देखि नसहेर गाली गर्ने पनि देखियो, कम्तिमा हिन्दूका ग्रन्थ अध्ययन नगरेकाले किन त्यत्रो हिम्मतगरेका होलान्? सायद सबै कल्पना लाग्दा हुन् हिन्दूका किताबहरु, एकपटक डा स्वामी प्रपन्नचार्यले भनेझैं कास्मिर देखि बर्मा सम्मका हिमालय भुमी खोतलेर खोज गर्ने हो भने अझै धेरै कुरा प्रकाशमा आउन सक्थ्यो।साधुवाद!