कीर्तिनिधी विष्टको सम्झनामा!

भावपूर्ण श्रद्धाञ्जली!

कीर्तिनिधी विष्ट

लिपुलेक मुद्दा बारे निर्भीकताको साथ पछिल्लो समय आवाज राख्दै, लेख्दै आएका एक मात्र भुतपुर्व प्रम डा कीर्तिनिधी विष्टको निधनले राष्ट्रले एक महत्त्वपूर्ण हस्ती वा भनौं अभिभावक गुमाएको अनुभव हुंदैछ।

वि सं २०३० असार २५ मा सिंहदरबार आगलागी हुंदा `राजाको पञ्च´ उपनाम पाएका उनले नैतिकताको आधारमा प्रमबाट राजीनामा दिएसंगै उनलाई नैतिकवान् प्रम भनेर पनि चर्चा गरिन्छ। नैतिकता के हो भन्ने प्रश्न आजका हाम्रा कयौं नेताहरुसंग यसको सटिक उत्तर र उदाहरण छैन, कम्तिमा यिनिबाट सिकुन्!

`नेपाल बचाउने को?´, `उत्सर्गका अन्तिम अवसर´, `लिपुलेकमाथी सार्वभौमसत्ता´ लगायत का राष्ट्रिय मुद्दाका विषय उनले गरेका विमर्श साच्चै सम्झनयोग्य छन्।विशेषत उन्ले राष्ट्रिय मुद्दा, अखण्डता, सार्वभौमसत्ता, स्वाभिमान का वरिपरि सधैं आफुलाई केन्द्रमा राखेको अनुभव मलाई उनका लेखोट, भनाई बाट पनि हुने गर्दछ।

उनी प्रम भएको पालामा नेपालको उत्तरी सीमामा रहेका १८ ओटा सैन्य चौकी हटेका थिए

साथै महाकाली सन्धी जस्तो राष्ट्रघाती सन्धीको विपक्षमा उभिने एक मात्र प्रम पनि हुन्। त्यसैगरी २०१५ मे १५ मा चीन भारतले गरेको लिपुलेक मुद्दा बारे त उनी विरोध गर्दै नै आइरहेका थिए!

आजका प्रम हरुले उनीबाट सिक्ने कयौं कुराहरु छन्, नैतिकता, इमानदारीता, भन्ने गुमाइसकेकाहरुलाई यो कुराले केही साइनो पनि राख्दैन राख्न त! उनको देशभक्ति प्रति मैले आफ्नो शिर निहुर्‍याएको छु। आज ती प्रतिवद्ध देशभक्त हामी सबैबाट सदाका निम्ति विदा भएका छन्। यो रिक्तता आफैमा अपुरणीय हो। भावपूर्ण श्रद्धान्जली कीर्तिनिधि विष्टज्यू!

राष्ट्रको हितका खातिर तपाईले लाउनुभएको गर्नुलाई नेपाली र नेपाली राष्ट्रले कहिल्यै बिर्सने छैन।मेरा भावपूर्ण श्रद्धाञ्जली प्रम्ज्यू। हामी सदा सर्वदा सम्झनेछौं। सबलाई चेतना भया!